አሁንም በእውነት በእኛ ስም ገንዘብ የማሰባሰብ ዘመቻ እንዲገታ፤ እንጠይቃለን፡፡ By Ethiopian Refugees in Yemen to all Ethiopians/ሌላው በስማችን ገንዘብ ለመሰብሰብ ከሚሯሯጥ ቅድሚያ የማዳን ስራ ለምን ሊሰሩ አላሰቡም፡፡

•  በየመን የኢትዮጵያ ስዴተኞች ኮሚቲ ሳና።
• 
  
• አለም አቀፍ መግለጫ 
• ከሳውዲ ወደ የመን የገቡትም እኛም በየመን የቆየነው ከአንዱም የኢትዮጵያ ድርጅት በስማችን ገንዘብ ከሰበሰቡት እንክዋን ገንዘብ ልናገኝ ገንዘብ ሲሰበስቡም ይሁን ሲጣሉ በስማችን እራሳቸው ወስነው ባቁዋቁዋሙት ኮሚቲ እንጂ እኛን የጨመረ ምንም አይነት ውሳኔም ይሁን የሃሳብ ውጥን አነጋግረውን እንዳለሆነ ለኢትዮጵያ ሕዝብ ገንዘብ እኛን ለመርዳት ነው ሲሉት ለሚለግሰው ሁሉ ማሳወቅ እንወዳለን። 

መቀመጫው በሰሜን አሜሪካን የሆነው

 "Worldwide Ethiopian Refugees' Rights Advocate Group USA (Founded in September 15, 1983 in Dallas, Texas፣ by Actress & Human Rights Activist Yeharerwerk Gashaw Phone # 214-642-0394.email: yehar9@aol.com" ነው፡፡ በቁርጥ ቀን ከጎናችን በመሆን አይዟችሁ እኛ አለን ከሚለው በሞራል ጀምሮ ሌት ተቀን አብሮን እየደከመ እኛን ካለንበት ለማውጣት እያደረገ ያለውን ትብብር እያደነቅን ብቸኛ አማራጫችን መሆኑን ልናስታውቅ እንወዳለን። ምክንያቱን ሁሉም በየአቅጣጫው ሊሮጥልን ሲገባ ብቸኛ አለን ከጎናችሁ ባይ እነሱ ሆነዋል፡፡

በአሁን ሰአት በተለያየ የአለም ክፍሎች ተበትነው ካሉ ወገኖቻችን በእኛ ስም ገንዘብ ለማሰባሰብ እንቅስቃሴዎች እየተካሄዱ መሆኑን በመስማታችን፣ በመረጃም በማረጋገጣችን በጣም አዝነናል። ቀደም ባሉት የተለያዩ መግለጫዎቻችን የገንዘብ እርዳታ ሳይሆን ህይወታችንን የማዳን ለጊዜውም ቢሆን ወደ ሌላ የምንጠለልበት ቦታከተቻለም በትብብር ዘላቂ መፍትሄ ፈልጉልን በሚል ጥሪያችንን አሰምተናል። (በተለያዩ የመገናኛ ብዙሃኖች ላይ በነበረኝ ቃለ-መጠይቅም ይህንኑ ገልጫለሁ) የገንዘብ እርዳታ በአሁን ሰአት ያላስፈላጊነቱ እሙን ነው። በቅርቡ በደረሰን መረጃ በአሜሪካን አገር በቴክሳስ ግዛት ዳላስ ከተማና አካባቢዋ በእኛ ስም በአሜሪካን ዶላር እያንዳንዱ ትኬት $100 (መቶ ዶላር)የሚያወጣ በግልጽ በአደባባይ እየተሸጠ መሆኑ ነው። ለምን? ችግር የለብንም እያልኩ አይደለም፡፡ በጦርነት እየረገፍን በአየር ድብደባው ቤት ንብረታችንን እያጣን እየተሰደድን እየሞትን ነው፡፡ ታዲያ ለዚህ ችግር መፍትሄው ምንድን ነው ገንዘብ? ለምን ህይወት ማዳን አይሞከርም?

የመን ያለን ስደተኞች ኮሚቴ በድጋሚ አበክረን የምናስታውቀው እኛ ችግሩ ከፍቶ በመራብም፣ በጥይትም ከምንሞት በሚያስፈልገን ጊዜ የገንዘብ እርዳታውን ጥሪ እናስተላልፋለን፡፡ በምን መልኩ ተደራጅቶ እንዲሰባሰብ የምናስታውቅበትና አለማቀፋዊ መግለጫም የምናውጣበት ጊዜ ይኖራል፡፡ "Worldwide Ethiopian Refugees' Rights Advocate Group USA Dallas, Texas USA" በኩል የሚገለጽ መሆኑን በትህትና እንገልጻለን። አሁንም በእውነት በእኛ ስም ገንዘብ የማሰባሰብ ዘመቻ እንዲገታ፤ እንጠይቃለን፡፡ "ድር ቢያብር አንበሳ ያስር" እንደሚባለው የሁላችሁም የኢትዮጵያውያን ወገኖቻችን ሕብረትና አንድነት እኛን የኢትዮጵያን ስደተኞችን ወደ ዘላቂው መፍትሄ ታሸጋግሩናላችሁ የሚለው እምነታችን የጠበቀ ነው። ለዚህም አላማ ከዚህ እኛን አለሁ ብሎ ጉዳያችንን እየተከታተለልን ካው ኮሚቴ ጋር እንድትተባበሩ ወገናዊ ድጋፋችሁንም በሚያስፈልገው መልኩ ብታደርጉልን ስንል እንጠይቃለን፡፡ ኢትዮጵያ አገራችንና ሕዝብዋን ፈጣሪ ይጠብቅልን።

የመን ያለን ኢትዮጵያዊ ስደተኞች።

የመን ያለውን የስዴተኞች ኮሚቲ ለማግኘት በኢሜል አድራሻችን ጻፉልን girum_tekl@yahoo.com 

ከምስጋና ጋር ግሩም ተክለሃይማኖት 

ሊቀመንበር

የመን ሳና ።

• 
  

By Ethiopian Refugees in Yemen to all Ethiopians/ሌላው በስማችን ገንዘብ ለመሰብሰብ ከሚሯሯጥ ቅድሚያ የማዳን ስራ ለምን ሊሰሩ አላሰቡም አልኩ፡፡

ያልገባኝ እና ሊገባኝ ያልቻለ…. የመን ላለስደተኛ የደረሰው ገንዘብ የለም፡፡ በሚሳይል እና ጥይት ሞት ለተደገነበት ወገን ገንዘብ ማሰባሰብ ምን ያሳያል? በግሩም ተ/ሀይማኖት አርብ ዕለት(05/06/15) በስዊድን ስቶክሆልም ኢትዮጵያኒዝም ቴሌቪዥን ላይ ቀጥታ ስርጭት ቃለ-መጠየቅ ነበረብኝ፡፡ በቀጥታ ስርጭቱ ላይ ከተለያየ ፓልቶክ ሩም ተሳታፊ የሆኑ ሰዎች እና ከስቱዲዮ ያሉ ጋዜጠኞች ጥያቄ ይሰነዝሩ ነበር፡፡ በፕሮፌሰር ሙሴ የሚቀርበው እዚህ ዝግጅት ላይ በየመን ስደተኛው ላይ እየደረሰ ያለውን ችግር በምችለው አቅም ባለኝ መረጃ ገለጽኩ፡፡ ስደተኛውን ኢትዮጵያዊ ወገኑ በምን መልኩ ነው መርዳት የሚችለው? የሚል ጥያቄ ከተሳታፊ ጠያቂዎች ተሰነዘረ፡፡ ከዚህ በፊት በተደጋጋሚ እንደገለጽኩት የመን ያለ ስደተኛን እየአንዳንዱ ኢትዮጵያዊ ሊረዳው ድምጹን ሊያሰማለት ይገባል፡፡ ገንዘብ አንፈልግም፡፡ የገንዘብ ችግርም አይደለም ወይም የምግብ ችግር አይደለም ያለብን፡፡ ህይወት የማዳን፣ ከጦርነት ቀጣና የማውጣት እርዳታ ነው የምንፈልገው አሁን እኛ ያለነው የጥይት፣ የሚሳይል እሩምታ ከሚርከፈከፍበት የሞት አውድማ ላይ ነው፡፡ ብዙዎች ወገኖቼ ሊደረስላቸው ስላልቻለ ረግፈዋል፤ ቆስለዋል፡፡ የUNHCR ቢሮ አለም አቀፍ ስታፍ ሰራተኞቹን አውጥቶ ቢሮውን ዘግቶ ምንም አይነት አገልግሎት እንደማይሰጥ ገልጾ ዘግቷል፡፡ ዝግ ቢሆንም የሶሪያ እና ኢራቅ ዜጋ የሆኑ ከ 10000 (ከአስር ሺህ) በላይ ስደተኞችን በጦርነቱ እንዳይጎዱ በሳዑዲ አረቢያ በኩል ሲያወጣ ኢትዮጵያዊያን እና ኤርትራዊያን ግን እንደዜጋው ሆናችሁ ኑሩ ብለው አሰናብተውናል፡፡..የሚል ምላሽ ሰጠሁ፡፡ በእርግጥም ሊታሰብ የሚገባው የቀለም ተጽዕኖ ካልሆነ በስተቀር ሀበሻ ነው አረብ ነው የመን ውስጥ እንደ ዜጋ መኖር የሚችለው? በ UNHCR ቢሮ ውስጥ ስደተኞችን ማበላለጥስ ተገቢ ነውን? በሌላ ጥያቄ ስለዚህ መፍትሄው ምንድን ነው? በተለያዩ ሀገራት ያሉ ኢትዮጵያዊያን በምን መልኩ ሊረዷችሁ ይችላሉ? የሚል ጥያቄ ቀረበልኝ፡፡ በተለያየ ሀገራ ያሉ ኢትዮጵያዊያኑ ወገኖቻችን ሊረዱን የሚገባው ዜጎቻችንን ከጦርነት ቀጣና አውጡልን ብለው በያሉበት ሀገር UN ቢሮ ባለበት አካባቢ ሰላማዊ ሰልፍ ማድረግ ነው መፍትሄው :: ሶሪያ እና ኢራቃዊያኑ ከዚህ ጦርነት በኋላ መውጣታቸውን የሚገልጽ ዜና የተዘገበበት ሊንክ ለቢሮው ማቅረብ ለምትፈልጉ እና ለመጠየቅም እንዲያመቻችሁ መላክ እችላለሁ አልኩ፡፡ (በእርግጥም አሁንም ለምትፈልጉ ሊንኩ https://aa-mg6.mail.yahoo.com/neo/launch?.rand=8s325uh5ts5d1#6352459541) ነው፡፡ በመቀጠልም ወገን ከረገፈ በኋላ እዬዬን ከማሳመር ለምን አሁን ከዚህ የምንወጣበትን መንገድ አታመቻቹም? ለምሳሌ እስካሁን ስንጮህ አይዟችሁ እኔ አለሁ፡፡ የእኛ አድቮኬትድ ግሩፕ ለወገን የቆመ ነው፡፡ አላማውም ኢትዮጵያዊያንን ብሎም አፍሪካዊ ስደተኞችን መርዳት ነውና…ያለችን የመጀመሪያዋ ኢትዮጵያዊት ሞደል የሐረርወርቅ ጋሻው "Worldwide Ethiopian Refugees' Rights Advocate Group USA መስራች ናት፡፡ ለምን ከእሷ ጋርስ በመሆን ተባብራችሁ ካለንበት ማጥ አታወጡንም? እሷ እና እሷ የምትመራው አድቮኬትድ ግሩፕ አባላት ብቻ ናቸው እንዴ ወገኖቻችን? ሌላው በስማችን ገንዘብ ለመሰብሰብ ከሚሯሯጥ ቅድሚያ የማዳን ስራ ለምን ሊሰሩ አላሰቡም አልኩ፡፡ እውነትም በተደጋጋሚ ውስጤ የሚጠይቀኝ ሳሰላስለው የከረምኩት ጥያቄ ነው፡፡ ወገን ጦርነት መሀል ተሳቆ በሞትና ሽረት መሀል እያለ ገንዘብ አሰባስቦ ያውም ለራሱ በቀጥታ ላይደርሰው ቢሮውን ዘግቶ ለወጣ..ለታመሙት እና ተከታታይ ህክምና ለሚወስዱት እንኳን መድሀኒት ለማያቀርብ ድርጅት መሰጠት መፍትሄ ነው? እንዲያው ለስደተኛው እንኳን በእጁ የሚደርሰው ቢሆን እንኳን እየበላህ ሙት ከተረፍክም ትረፍ ማለት ነው እላለሁ ለራሴ መልስ አልበባ ጥያቄ እያቀረብኩ ግምቴን ስሰነዝር ከርሜያለሁ፡፡ ይህን ጥያቄ በእነሱ ሳይድ በእነሱ አንግል ካላየሁት መመለስ አይደለም ማሰቡ ይከብዳል፡፡ ለነገሩ እነሱ ገንዘቡን ሰብስበዋል እየሰበሰቡም ነው እኔ ሞቱን በቅርብ እርቀት እየተጠባበኩት ነው፡፡ የእኔ እሳቤ የእኔ ቁስል እንዴት ይግባቸው? ከሌላ ጠያቂ ‹‹ገንዘብማ ተሰባስቦ የለም እንዴ እንዲያውም ወደ መን መላኩን ነው የሰማነው…? ጥያቄውን አላስጨረስኩትም፡፡ ከምር ድንግጥ ነው ያልኩት፡፡ በቃ! አጋጣሚውን ጠብቆ ገንዘብ መሰብሰብ ተግባር ላይ የተሰማራ ሀይል አለ ማለት ነው? የሚል ጥያቄ ውስጤ ተሰነቀረ፡፡ እኔ ስለምትነው ገንዘብ የማውቀው የሰማሁትም ነገር የለም፡፡ እርግጠኛ ሆኜ መናገር የምችለው የመን ያለ ስደተኛ ከየትኛውም በኩል የደረሰው ገንዘብ የለም..የሚል መልስ ሰጠሁ፡፡ በትክክሉም የደረሰ ገንዘብ የለም፡፡ አንድ ከእነሱ ጋር እገናኛለሁ የሚል የተሳሳተ መረጃ በማፍሰስ የምናውቀው ሰው ሁለት ሚሊዮን ዶላር ተሰብስቧል በማለት በስብሰባ ላይ ሲያወራ በተለምዶ ወሬው ደረጃ ሰምተን ዝም ብለናል፡፡ ለ5000 ስደተኛ ቪዛው መጥቶ ሱዳን ነው ያለው..በማለት በሮኬት ፍንዳታ የደነቆረ ጆሯችንን በቀደዳው አዝናንቶታል እግዜአብሔር ይስጠውና፡፡ ወደ ጉዳዬ ስመለስ ግን በግሎባል አሊያንስ የተሰበሰበ ገንዘብ ለኤይ. ኦ. ኤም (IOM) መሰጠቱን ጨምሮ አንድ ጠያቂ ጥያቄ አቀረበልኝ፡፡ ግርምቴ ናረ፡፡ በእርግጥም አሜሪካ ያሉ ወዳጆቼ በየቦታው ገንዘብ እየተሰበሰበ እንደሆነ ነግረውኛል በየቤተክርስቲያኑ አንድ ሰው 100 ዶላር ቲኬት እንዲገዛ መጠየቁን ሰምቻለሁ፡፡ ግሎባል አሊያንስም ቢሆን በስማችን ገንዘብ ሰብስቦ IOM መስጠት አግባብ ነው አልልም፡፡ መጀመሪያ ወገናዊነት ተሰምቷቸው ከሆነ ይህን ያደረጉት ለማን መስጠት እንዳለባቸው አለማወቃቸው ይገርማል፡፡ እዚህ የመን ውስጥ በርካታዎች በጦርነቱ መፈናቀላቸውን ኢትዮጵያ ኮሚኒቲ ውስጥ ሁሉ መጠለላቸውን በየጊዜው እየገለጽኩ ነው፡፡ መድሀኒት መግዣ ያጡ አልጋ የያዙ ስንቶች አሉ? ለ IOM የሰጡት ባጀት ይዞ ስደተኛ ላይ እያላገጠ መሆኑን ሳይሰሙኝ ቀርተው ነው አልል በኢሳት ቴሌቪዥን ላይ ስንቴ ተናግሬያለሁ፡፡ ባለፈው በሳዑዲ አረቢያ ችግር ጊዜም ያደረጉት ለ IOM የሰጡት ትክክል እንዳልሆነ አሁንም ቢሆን ገንዘብ አሰባስበው ወገኖቻችን እኛን ብለው ገንዘባቸውን እንዳያወጡ የተናገርኩበት ምክንያት አለኝ፡፡ አንደኛ፡- ለስደተኛ ወገናቸው ገንዘቡ ስለማይደርስ..እነሱ እንደሚሉት እነሱ በሰጡት አይደለም IOM ኢትዮጵያዊያኑ ስደተኞችን ወደ ሀገር የመለሰው፡፡ ሁለተኛ፡- ማንኛውም ወገናችን ገንዘብ ከተጠየቀ የተጠየቀውን ገንዘብ ሰጥቶ ድምጹን ሳያሰማልን ይቀራል፡፡ ምክንያቱም ገንዘቡን ሰጥቶ እንደገና ደሞዙን አስቆርጦ ሰልፍ ወጥቶ ወገኖቻችንን አድኑልን ስለማይል ማለት ቢፈልግ እንኳን በተለያየ በኩል ወገኖቹን ብሎ እንዲጎዳ ስላልፈለግን ነው፡፡ ሊያድነን የሚችለውም ድምጹን ሲያሰማልን እንጂ ሳንቲም ስለወረወረ እንዳልሆነ እንዲያውቀው ደጋግሜ ገልጫለሁ፡፡ ሶስተኛ፡- በፍቅርም በወገናዊነትም ሲታይ በጦርነት መካከል የሚነድ ወገኑን ከዳንክ ዳን ከሞትክም ሙት ብሎ ዳቦ የሚወረውርለት ቤተሰብ እና ወገን አለ ብዬ አላምንም፡፡ ስለዚህ ከላይ በሚዘንብ ሮኬት፣ ሚሳኤል እና ጥይት ልናልቅ ነው ብለን ስንጮህ ገንዘብ ሰብስቦ መስጠት በልተህ… ማለት ነው? ከላይ ያልኩትን ሀሳብ ማጠናከር ነው፡፡ አራተኛ፡- ገንዘቡ ለስደተኛው ደረሰው እንበል ሰላም በሌለበት እንዴት ወጥቶ ሊገበያይበት ነው? ከልብ ያሰበ ከጦርነቱ መሀል ማውጣት እንጂ መንገድ ላይ ተቀምጦ ምጽዋት እንደሚጠይቅ ሰው ገንዘብ ወርወር አድርጎ ዝም ማለት ወገናዊነት አይደለም፡፡ እኛ እኮ ራበን አይደለም ያልነው አሁንም ራበን ተቸገርን አይደለም ጥያቄያችን፡፡ ጥያቄያችን በጦር መሳሪያ ልናልቅ ነው አድኑን ድምጽ አሰሙልን ነው፡፡ አምስተኛ፡- እዚህ ያለው የUNHCR ቢሮ ኢትዮጵያዊያን ስደተኞችን የኢኮኖሚ ስደተኛ ናቸው እያለ ነው፡፡   ከ 100.000 በላይ ስደተኛ መመዝገቡን በራሱ መግለጫ የሚናገረው ቢሮው ከዚህ ሁሉ መዘገብኩ ካላቸው ኢትዮጵያዊያን መካከል ለ4000 ብቻ የስደተኛነት ማረጋገጫ ወረቀት የሰጠው ሌሎቹ የትኛውን ሀብት ይዘው ተገኝተው ነው ማረጋገጫው ያልተሰጣቸው? የ UNHCR ቢሮው ያልተረዳው የኢኮኖሚ ችግርም ከብልሹ የፖለቲካ ስርዓት የሚመነጭ መሆኑን ነው፡፡ ወገኖቻችንም ገንዘብ ብቻ አማራጭ አድርገው ሲያዩት የUNHCR ቢሮ ያልኩት ልክ ነው ማለት ይችላል የሚል ፍርሃት በስደተኘባው ዘንድ አለ፡፡ ለዛውም ለአይ.ኦ.ኤም ገንዘቡ መድረሱን ለማረጋገጥ ባደረኩት ሙከራ ምንም አይነት ፍንጭ እንኳን ማግኘት አልቻልኩም፡፡ በዚህ ዘመን ከጎግል የሚደበቅ የለምና ብዬ ፍለኩ (ሰርች) አደረኩ፡፡ በሳዑዲ አረቢያው ችግር ጊዜ 30.000 ዶላር ለአይ.ኦ.ኤም መሰጠቱን የተዘገበበት በርካታ ድረ-ገጽ ሲወጣ የአሁኑ ግን አንድም ሊወጣልኝ አልቻለም፡፡ መሰጠቱንም እጠራጠራለሁ ለማለት ያስደፍረኛል፡፡ ደግሜና ደጋግሜ አሁንም ማለት የምፈልገው ገንዘብ በጦርነት ቀጣና ውስጥ በጭንቅ ላለ ወገን መፍትሄ አይደለም፡፡ መቼም እነታማኝ የመፍትሄ ሀሳቡ ጠፍቷቸው፤ የችግሩ ጥልቀት ሳይገባቸው ቀርቶ ነው አልልም፡፡ ከሊቢያ ያሉትን እንዲወጡ እንቅስቃሴ መጀመራቸውን ራሱ ታማኝ ሲናገር ሰምቻለሁ፡፡ እውነት ከሆነ ለምን ለየመን ይህን አላሰበም? በጦርነት መሀል ለሚዳክር ሞቱን የሚጠባበቅን ሰው ገንዘብ ህይወቱን ያተርፍለታልን? ጥሪ ለመላው ኢትዮጵያዊያን ገንዘብ እንድታዋጡ ሳይሆን ድምጻችሁን እንድታዋጡልን ሰልፍ ወጥታችሁ UNHCR ቢሮ የሌላ ሀገር ዜጋዎችን ሲያሸሽ የእኛን ወገኖች ግን ለምን ተዋቸው በማለት እንድትጠይቁ ነው የምንፈልገው፡፡ 8 shares

የገንዘብ እርዳታ አንፈልግም! የኢትዮጵያ ስዴተኞ ።

June 5, 2015

ይድርስ ከኢትዮጵያ ስዴተኞች የመን እና ሊብያ በውጪ ለሚገኘው የመላው የኢትዮጵያ ሕዝብ።

ቀደም ስንል ከአንዴም ሁለቴ ገንዘብ ሳይሆን የምንፈልገው ተባብራችሁ ካለንበት የመከራ አጣብቂኝ እንድታድኑን ነው ማለታችን ይታወሳል። ሆኖም በዳላስ ቴክሳስና በአትላንታ በተለያዩ የአሜሪካን ከተሞች በስማችን $100 ዶላር በትኬት በመሸጥ ገንዘብ እየተሰበሰበ መሆኑን በማስረጃ ተረድተናል ይሄም በጣም አሳዝኖናል። የት እንዳለን እንክዋን ያልፈለጉን ያልጠየቁን እኛ ስላለንበት መከራና ስቃይ ያልተቀበሉት ያልደረሱልን ገንዘብ ሰብስበው ምን ልያደርጉት ነው? ግማሾቻችን በቦንብ ላሸቅን ከእነልጆቻችን፡ ገማሾቻችን ታረድን ባዳው እንክዋን ሲያዝንልን ይሄ እንክዋን እንዴት በውጪ በተለየም በአሜሪካን ያለው ውገናችን አይተባበርንም ? ገንዘብ ከዚህ ቀደም ከእየከተማው ከአሜሪካን ተዋጣ ሰማን እናንም ቃለመጠየቅ ተደረገል ሆኖም ገንዘቡን የተቀበሉት በስማችን  አንድም ሳንቲም ከሳውዲ ወደ የመን የገባው ጭምር አላገኘንትም።

የኢትዮጵያን ሕዝብ በአሜሪካንም ይሁን በመላው አለም የምትገኙትን ለስዴተኞች በመን፡ በሊብያ ባለውና በሳውዲ ለሚገኙት ኢትዮጵያውያን ወዘተ በሚል ስም ገንዘብ ለእኛ ለስዴተኞች አዋጡ ለሚልዋችሁ ሁሉ ለፓለቲካ ድርጅቶች፡ የኢትዮጵያ ሚዲያ፡ የመረዳጃ ማሕበር፡ የሃይማኖት ድርጅቶችና ማንኛውም የውጪ ድርጅት ሳይቀር ገንዘብ በስማችን እንዳትሰጡ። መቼ እና እንዴት እንደምትልኩልን በእየ ድርጅቶቻችሁ እራሳችን ከየመንና ከሊብያ በጥምረት አሜሪካን ዳላስ ካለው የወከልነው ብቸኛው አማራጫችን በችግራችን ከተገኘለን ---ጋር በምናወጣው መግለጫ እናስታውቃለን።  እስከዛሬም የሰጣችሁትን መልሳችሁ እንድትቀበሉ ገንዘባችሁን እናሳስባለን።
ተጨማሪ ማብራሪያ ካስፈለገ አሜሪካን ዳላስ መቀመጫው የሆነውን በውጪ ወኪላችንን
በ214-642-0394 ማናገር ይቻላል። ቀደም ሲል ያወጣናቸውን ከዚህ በታች ይመልከቱ።

የስዴተኞች ኮሚቲ
ከየመን።

20 hrs · 

Girum Teklehaimanot

፡ አሁንም ደግሜ ደግሜ የምገልጸው የመን ያለ ስደተኛ ሀገሪቷ በአየር ድብደባ እየተደረገባት በመሆኑ ስደተኛው ላይ ሊደርስ የሚችለውን አስቦ የህይወት ማዳን ተግባር ከወገኖቹ ይጠብቃል እና ኢትዮጵያዊ ነን ያላችሁ በጦርነት መካከል UNHCR ጥሎት የወጣውን ስደተኛ ታደጉት ነው ጥሪዮ፡፡ በተለያየ መገናኛ ብዙሀን እንደተናገርኩት አሁንም እደግመዋለሁ UNHCR ጥሎት የወጣውን ስደተኛ ነፍስ ታደጉት፡፡ ለጊዜው የመን ያለ ስደተኛ የገንዘብ የምግብ ወይም መሰል ችግር አልገጠመውም እና ገንዘብ አሰባስቡ ለሚሏችሁ ገንዘባችሁን እንዳታወጡ፡፡ ለበላተኛ እንዳትሰጡ፡፡ ችግር ሲኖር ወቅቱን ጠብቆ ጥሪ እናደርጋለን፡፡ ስለዚህ ጥቅማቸው የተነካ ሰዎች ሲሳደቡ ተቆጭታችሁ መልስ አትስጡ ያጣ ለማኝ ይሳደባል ነው ነገሩ፡፡ እንዲያውም እባካችሁ የሚሰድቡኝን አድንቁልኝ፡፡ በእኔ በኩል ግን ያለኝ መልስ ‹‹..ውሻ ጮኸ ብሎ የሚጮህ ቢኖር ውሻ ነው…›› የሚል ነው፡፡ እባካችሁ ለችግር ጊዜ ከተማራችሁት ስድብ ደጋግሙኝ….በስደተኛው ስም ግን ገንዘብ አዋጡ ብሎ መብላት አይቻልም!!!

ግሩም ተክለሃይማኖት የኢትዮጵያ ስዴተኞች በየመን እና ኢትዮጵያውያን በአረብ አገር ኮሚቲ ሊቀመንበር ሳና የመን።